ಡೈವರ್ಸ್ ಬಳಿಕವೂ ತಂದೆಯು ಮಕ್ಕಳ ಪೋಷಣೆ ಮಾಡುವುದು ಕಡ್ಡಾಯ – ಸುಪ್ರೀಂಕೋರ್ಟ್

ನವದೆಹಲಿ : ವಿಚ್ಛೇದನವಾದ ಬಳಿಕವೂ ತಂದೆ ತನ್ನ ಮಕ್ಕಳನ್ನು ಪೋಷಣೆ ಮಾಡುವುದು ಕಡ್ಡಾಯ ಎಂದು ಮಹತ್ವದ ತೀರ್ಪು ನೀಡಿದ ಸುಪ್ರೀಂಕೋರ್ಟ್, ಮಗುವಿಗೆ ಜೀವನಾಂಶ (ನಿರ್ವಹಣಾ ಭತ್ಯೆ) ಪಾವತಿಸುವಂತೆ ತಂದೆಗೆ ಆದೇಶಿಸಿದೆ.

ತಲಾಖ್-ಎ-ಹಸನ್ ಮೂಲಕ ವಿಚ್ಛೇದನ ಪಡೆದ ಮುಸ್ಲಿಂ ಮಹಿಳೆಯೊಬ್ಬರು ಸುಪ್ರೀಂಕೋರ್ಟ್ ಗೆ ಅರ್ಜಿ ಸಲ್ಲಿಸಿದ್ದರು. ವಿಚ್ಛೇದನದ ನಂತರ ಮಗುವಿನ ನಿರ್ವಹಣೆ ಮತ್ತು ಇತರ ಅಧಿಕೃತ ದಾಖಲೆಗಳಲ್ಲಿ ತಂದೆ ಸಹಕರಿಸುತ್ತಿಲ್ಲ ಎಂದು ಆರೋಪಿಸಿ ಮುಸ್ಲಿಂ ಮಹಿಳೆ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿದರು.

ವಿಚಾರಣೆ ನಡೆಸಿದ ಸುಪ್ರೀಂಕೋರ್ಟ್ ಮುಖ್ಯ ನ್ಯಾಯಮೂರ್ತಿ ನೇತೃತ್ವದ ಪೀಠವು, ಅರ್ಜಿಯನ್ನು ಆಲಿಸಿದ ನ್ಯಾಯಾಲಯವು ಮಗುವಿನ ಹಕ್ಕುಗಳನ್ನು ರಕ್ಷಿಸಲು ತಂದೆಗೆ ಸ್ಪಷ್ಟ ಆದೇಶಗಳನ್ನು ನೀಡಿತು. ಪಾಸ್ಪೋರ್ಟ್ ನೀಡುವಿಕೆ, ಶಾಲಾ ಪ್ರವೇಶ ಮತ್ತು ಮಗುವಿನ ಬ್ಯಾಂಕ್ ಖಾತೆಗೆ ಸಂಬಂಧಿಸಿದ ಎಲ್ಲಾ ದಾಖಲೆಗಳಲ್ಲಿ ತಂದೆ ತನ್ನ ಒಪ್ಪಿಗೆ (ಸಹಿ) ನೀಡಬೇಕು ಎಂದು ನ್ಯಾಯಪೀಠ ಆದೇಶಿಸಿತು. ಅಪ್ರಾಪ್ತ ಮಗುವಿನ ಬ್ಯಾಂಕ್ ಖಾತೆಯ ಪಾಲನೆಯನ್ನು ತಂದೆಯ ಬದಲು ತಾಯಿಗೆ ಹಸ್ತಾಂತರಿಸುವಂತೆ ಸುಪ್ರೀಂ ಕೋರ್ಟ್ ಬ್ಯಾಂಕಿಗೆ ಆದೇಶಿಸಿದೆ. ಮಗುವಿನ ಆಧಾರ್ ಕಾರ್ಡ್ ಮತ್ತು ಇತರ ಅಧಿಕೃತ ದಾಖಲೆಗಳಲ್ಲಿ ತಾಯಿಯ ಹೆಸರನ್ನು ಪೋಷಕರಾಗಿ ನವೀಕರಿಸಬೇಕೆಂದು ಸೂಚಿಸಿತು. ಮಗುವಿಗೆ ಜೀವನಾಂಶ (ನಿರ್ವಹಣಾ ಭತ್ಯೆ) ಪಾವತಿಸಲು ನ್ಯಾಯಪೀಠವು ತಂದೆಗೆ ಆದೇಶಿಸಿತು.

ವಾದಗಳನ್ನು ಆಲಿಸಿದ ಮಹಿಳೆಯ ಪರ ವಕೀಲರು, ವಿಚ್ಛೇದನ ಇಲ್ಲದಿದ್ದರೂ ಅಥವಾ ಮಗು ತಂದೆಯ ಬಳಿ ಇದ್ದರೂ, ಶಾಲೆ, ಬಟ್ಟೆ, ಪುಸ್ತಕಗಳು, ಆಹಾರದಂತಹ ಅಗತ್ಯಗಳಿಗೆ ಹಣವನ್ನು ನೀಡಬೇಕು ಎಂದು ಹೇಳಿದರು. ಮಹಿಳೆ ತನಗಾಗಿ ಏನನ್ನೂ ಕೇಳುತ್ತಿಲ್ಲ, ಮಗುವಿಗೆ ಜೀವನಾಂಶ ಭತ್ಯೆಯನ್ನು ಮಾತ್ರ ಕೇಳುತ್ತಿರುವುದಾಗಿ ಹೇಳಿದರು. ತಂದೆ ದೆಹಲಿ ನ್ಯಾಯಾಲಯದಲ್ಲಿ ವಕೀಲರಾಗಿದ್ದರೂ, ಅವರ ಆದಾಯ ತುಂಬಾ ಕಡಿಮೆ ಎಂದು ಅವರು ನ್ಯಾಯಾಲಯಕ್ಕೆ ತಿಳಿಸಿದರು.

ಇದಕ್ಕೆ ಪ್ರತಿಕ್ರಿಯಿಸಿದ ಮುಖ್ಯ ನ್ಯಾಯಮೂರ್ತಿ “ನೀವು ವಕೀಲರು, ಅಲ್ಲವೇ?” ತಂದೆಯನ್ನು ಸುಪ್ರೀಂ ಕೋರ್ಟ್ ಕಾನೂನು ಸೇವೆಗಳ ಸಮಿತಿಗೆ ಕಳುಹಿಸಬೇಕು, ಅವರನ್ನು ಸಮಿತಿಯಲ್ಲಿ ಸೇರಿಸಬೇಕು ಮತ್ತು ಪ್ರತಿ ತಿಂಗಳು ಕನಿಷ್ಠ ಎರಡು ಪ್ರಕರಣಗಳನ್ನು ನೀಡಬೇಕು, ಇದರಿಂದ ಅವರಿಗೆ ಕನಿಷ್ಠ 10,000 ರೂ. ಆದಾಯ ಸಿಗುತ್ತದೆ ಮತ್ತು ಹಣವನ್ನು ನೇರವಾಗಿ ಮಗುವಿನ ಜೀವನಾಂಶಕ್ಕೆ ಕಳುಹಿಸಬೇಕು ಎಂದು ಆದೇಶಿಸಿದರು.

ಸಂಪಾದಕರು
ಲಾಗೈಡ್ ಕನ್ನಡ‌ ಕಾನೂನು ಮಾಸಪತ್ರಿ