MVC: ಕಾಲಮಿತಿ ಆಧಾರದಲ್ಲಿ ವಜಾಗೊಳಿಸುವಂತಿಲ್ಲ- ಸುಪ್ರೀಂ ಕೋರ್ಟ್

ನವದೆಹಲಿ: ಮೋಟಾರ್ ವಾಹನ ಅಪಘಾತ ಪ್ರಕರಣಗಳನ್ನು (ಎಂವಿಸಿ) ಪ್ರಸ್ತುತ ಕೇವಲ ಕಾಲಮಿತಿಯ ಆಧಾರದ ಮೇಲೆ ವಜಾಗೊಳಿಸುವಂತಿಲ್ಲ ಎಂದು ಸುಪ್ರೀಂಕೋರ್ಟ್ ಮಹತ್ವದ ತೀರ್ಪು ನೀಡಿದೆ.

ಸುಪ್ರೀಂ ಕೋರ್ಟ್ ಭಾಗೀರಥಿ ದಾಸ್ ವಿರುದ್ಧ ಭಾರತ ಸರ್ಕಾರ ಮತ್ತೊಬ್ಬರು ಈ ಪ್ರಕರಣದಲ್ಲಿ ನೀಡಿರುವ ಮಧ್ಯಂತರ ಆದೇಶ ನೀಡಿದೆ. ಮೋಟಾರ್ ವಾಹನಗಳು (ತಿದ್ದುಪಡಿ) ಕಾಯ್ದೆ, 2019 ರ ಮೂಲಕ ಸೆಕ್ಷನ್ 166(3) ಅನ್ನು ಸೇರಿಸಲಾಗಿದ್ದು, ಅಪಘಾತ ಸಂಭವಿಸಿದ ದಿನಾಂಕದಿಂದ ಆರು ತಿಂಗಳ ಒಳಗೆ ಪರಿಹಾರಕ್ಕಾಗಿ ಅರ್ಜಿ ಸಲ್ಲಿಸದಿದ್ದರೆ ಅದನ್ನು ಪರಿಗಣಿಸಬಾರದು ಎಂದು ಹೇಳಲಾಗಿದೆ. ಈ ಆರು ತಿಂಗಳ ಕಾಲಮಿತಿಯ ಸಂವಿಧಾನಾತ್ಮಕ ಮಾನ್ಯತೆಯನ್ನು ಸುಪ್ರೀಂ ಕೋರ್ಟ್ ನಲ್ಲಿ ಪ್ರಶ್ನಿಸಲಾಗಿದೆ.

ಇದು ಏಕಪಕ್ಷೀಯ (arbitrary) ಆಗಿದ್ದು ಅಪಘಾತ ಪೀಡಿತರ ನ್ಯಾಯ ಪ್ರವೇಶ ಹಕ್ಕನ್ನು ನಿರ್ಬಂಧಿಸುತ್ತದೆ ಎಂಬ ಆಧಾರದ ಮೇಲೆ ಸುಪ್ರೀಂ ಕೋರ್ಟ್ ನಲ್ಲಿ ಪ್ರಶ್ನಿಸಲಾಗಿದೆ. ವಿಶೇಷವಾಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುವುದು, ಚೇತರಿಕೆ ಅವಧಿ, ಮತ್ತು ಕಾನೂನು ಜಾಗೃತಿ ಕೊರತೆ ಮುಂತಾದ ಪ್ರಾಯೋಗಿಕ ಅಡಚಣೆಗಳನ್ನು ಉಲ್ಲೇಖಿಸಲಾಗಿದೆ.

ಈ ಸವಾಲಿನ ವಿಚಾರಣೆ ವೇಳೆ, ಸುಪ್ರೀಂ ಕೋರ್ಟ್ ದೇಶದಾದ್ಯಂತ ಇರುವ ಎಲ್ಲಾ ಮೋಟಾರ್ ಅಪಘಾತ ಪರಿಹಾರ ನ್ಯಾಯಮಂಡಳಿಗಳು (MACT) ಹಾಗೂ ಹೈಕೋರ್ಟ್ ಗಳಿಗೆ, ಕೇವಲ ಈ ಆರು ತಿಂಗಳ ಕಾಲಮಿತಿಯ ಆಧಾರದ ಮೇಲೆ ಯಾವುದೇ ಎಂವಿಸಿ ಅರ್ಜಿಯನ್ನು ಕಾಲಾವಧಿ ಮೀರಿದೆ ಎಂದು ವಜಾಗೊಳಿಸಬಾರದು ಎಂದು ಮಧ್ಯಂತರ ನಿರ್ದೇಶನ ನೀಡಿದೆ.
ಕಾಯ್ದೆಯ ಪ್ರಕಾರ, ಪೊಲೀಸರು ಪ್ರಥಮ ಅಪಘಾತ ವರದಿ (First Accident Report – FIR) ಯನ್ನು ಪರಿಹಾರ ನ್ಯಾಯಮಂಡಳಿಗೆ ಕಳುಹಿಸಬೇಕು. ಈ ವರದಿಯನ್ನು ಸೆಕ್ಷನ್ 166(4) ಅಡಿಯಲ್ಲಿ ಪರಿಹಾರ ಅರ್ಜಿಯಂತೆ ನ್ಯಾಯಮಂಡಳಿ ಪರಿಗಣಿಸಬೇಕಾಗಿದೆ. ಈ ವ್ಯವಸ್ಥೆಯ ಉದ್ದೇಶ, ಪೀಡಿತರು ನಂತರದಲ್ಲಿ ಅಧಿಕೃತ ಅರ್ಜಿ ಸಲ್ಲಿಸಿದರೂ ಸಹ, ದಾವೆಗಳು ತಕ್ಷಣವೇ ನೋಂದಣಿಯಾಗುವಂತೆ ಮಾಡುವುದಾಗಿದೆ. ಆದ್ದರಿಂದ, ಮೋಟಾರ್ ವಾಹನ ಕಾಯಿದೆಯ ಸೆಕ್ಷನ್ 166(3) ರ ಸಂವಿಧಾನಾತ್ಮಕ ಮಾನ್ಯತೆಯ ಕುರಿತು ಸುಪ್ರೀಂ ಕೋರ್ಟ್ ಅಂತಿಮ ತೀರ್ಪು ನೀಡುವವರೆಗೆ, ಮೋಟಾರ್ ವಾಹನ ಅಪಘಾತಕ್ಕೆ ಪರಿಹಾರ ಕೋರಿ ಸಲ್ಲಿಸುವ ಅರ್ಜಿಗಳನ್ನು ತಾತ್ವಿಕ ಅಂಶಗಳ ಆಧಾರದ ಮೇಲೆ ಪರಿಗಣಿಸಲಾಗುತ್ತಿದೆ. ಕೇವಲ ಕಾಲಮಿತಿಯ ಆಧಾರದಲ್ಲಿ ನೇರವಾಗಿ ವಜಾಗೊಳಿಸಲು ಅವಕಾಶವಿಲ್ಲ.

ಸಂಪಾದಕರು
ಲಾಗೈಡ್ ಕನ್ನಡ‌ ಕಾನೂನು ಮಾಸಪತ್ರಿ