ದಿಢೀರ್ ಭೇಟಿ ನೀಡಿ ಶಾಕ್ ಕೊಟ್ಟ ಮುಖ್ಯನ್ಯಾಯಮೂರ್ತಿಗಳು: ಗೈರಾಗಿದ್ದ 8 ಜಡ್ಜ್ ಗಳ ವಿರುದ್ದ ಕ್ರಮಕ್ಕೆ ಆದೇಶ

ಜೈಪುರ: ಜಿಲ್ಲಾ ನ್ಯಾಯಾಲಯಕ್ಕೆ ಸರ್ಪೈಸ್ ಆಗಿ ಹಂಗಾಮಿ ಮುಖ್ಯ ನ್ಯಾಯಮೂರ್ತಿಗಳು ದಿಢೀರ್ ಭೇಟಿ ನೀಡಿದ ವೇಳೆ ಗೈರಾಗಿದ್ದ 8 ನ್ಯಾಯಾಧೀಶರ ವಿರುದ್ಧ ಕ್ರಮಕ್ಕೆ ಆದೇಶಿಸಲಾಗಿದೆ.

ರಾಜಸ್ಥಾನ ಹೈಕೋರ್ಟ್ ಹಂಗಾಮಿ ಮುಖ್ಯ ನ್ಯಾಯಮೂರ್ತಿ ಸಂಜೀವ ಪ್ರಕಾಶ್ ಶರ್ಮಾ ಅವರು ಜೋಧಪುರ ಜಿಲ್ಲಾ ನ್ಯಾಯಾಲಯಕ್ಕೆ ಆಕಸ್ಮಿಕವಾಗಿ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದರು. ಈ ವೇಳೆ ಅಲ್ಲಿನ ನ್ಯಾಯಾಧೀಶರ ಗೈರು ನಾಟಕ ಬಟಾಬಯಲಾಗಿದ್ದು, ಈ ಘಟನೆಗೆ ಸಂಬಂಧಿಸಿ ಜೋಪುರದ ಎಂಟು ನ್ಯಾಯಾಧೀಶರ ವಿರುದ್ಧ ಕ್ರಮಕ್ಕೆ ಹಂಗಾಮಿ ಮುಖ್ಯ ನ್ಯಾಯಮೂರ್ತಿಗಳು ಆದೇಶ ಹೊರಡಿಸಿದ್ದಾರೆ.

ಮುಖ್ಯನ್ಯಾಯಾಧೀಶರ ಪರಿಶೀಲನೆಯ ವೇಳೆ ಬೆಳಗಿನ ನ್ಯಾಯಾಲಯ ಅವಧಿಯಲ್ಲಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರನ್ನು ಒಳಗೊಂಡಂತೆ ಎಂಟು ನ್ಯಾಯಾಂಗ ಅಧಿಕಾರಿಗಳು ಕಲಾಪದಲ್ಲಿ ಗೈರುಹಾಜರಾಗಿದ್ದರು. ಪರಿಶೀಲನೆಯ ಸಮಯದಲ್ಲಿ, ನಿಗದಿತ ನ್ಯಾಯಾಲಯ ಕಾರ್ಯಕಲಾಪಗಳು ಇದ್ದರೂ ಪೀಠಾಧ್ಯಕ್ಷ ನ್ಯಾಯಾಧಿಕಾರಿಗಳು ಪೀಠದಲ್ಲಿ ಹಾಜರಾಗಿರದ ಕಾರಣ ಅನೇಕ ನ್ಯಾಯಾಲಯ ಕೊಠಡಿಗಳು ಕಾರ್ಯನಿರ್ವಹಣೆಯಲ್ಲಿರಲಿಲ್ಲ. ಈ ಗೈರುಹಾಜರಿಯಲ್ಲಿ ಜೋಧಪುರ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರೂ ಸೇರಿದ್ದರು.
ಈ ಲೋಪವನ್ನು ಗಂಭೀರವಾಗಿ ಪರಿಗಣಿಸಿ, ಎಂಟು ನ್ಯಾಯಾಂಗ ಅಧಿಕಾರಿಗಳ ವಿರುದ್ಧ ಆಡಳಿತಾತ್ಮಕ ಕ್ರಮ ಕೈಗೊಳ್ಳಲಾಗಿದ್ದು, ಅವರನ್ನು ತಕ್ಷಣದಿಂದಲೇ “ಪೋಸ್ಟಿಂಗ್ ಆದೇಶಗಳ ನಿರೀಕ್ಷೆಯಲ್ಲಿ ಇರಿಸಲಾಗಿದೆ. ನ್ಯಾಯಾಲಯ ಸಂಕೀರ್ಣಕ್ಕೆ ಬಾಂಬ್ ಬೆದರಿಕೆ ಬಂದಿದ್ದ ದಿನವೇ ಈ ಆಕಸ್ಮಿಕ ಪರಿಶೀಲನೆ ನಡೆಸಲಾಗಿದ್ದು, ಇದರಿಂದ ಈಗಾಗಲೇ ನಿಗದಿತ ವಿಚಾರಣಾ ಪ್ರಕ್ರಿಯೆಗಳಲ್ಲಿ ವ್ಯತ್ಯಯ ಮತ್ತು ವಿಳಂಬ ಉಂಟಾಗಿತ್ತು.

ಈ ಪರಿಸ್ಥಿತಿಯ ನಡುವೆಯೂ ಕಾರ್ಯನಿರ್ವಹಣಾ ಮುಖ್ಯ ನ್ಯಾಯಮೂರ್ತಿಯವರು ನಿಗದಿತ ಅವಧಿಯಲ್ಲಿ ಹಲವಾರು ನ್ಯಾಯಾಲಯ ಕೊಠಡಿಗಳು ಖಾಲಿಯಾಗಿದ್ದವು ಅಥವಾ ನ್ಯಾಯಾಂಗ ಅಧಿಕಾರಿಗಳು ಪೀಠದಲ್ಲಿ ಇರಲಿಲ್ಲವೆಂದು ಗಮನಿಸಿದರು. ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರನ್ನು ಒಳಗೊಂಡಂತೆ 8 ಅಧಿಕಾರಿಗಳನ್ನು ತಕ್ಷಣದಿಂದಲೇAPO (Awaiting Posting Orders) ಅಡಿಯಲ್ಲಿ ಇರಿಸಲಾಗಿದ್ದು, ಮುಂದಿನ ಕ್ರಮಕ್ಕಾಗಿ ವರದಿ ಪ್ರಾರಂಭಿಸಲಾಗಿದೆ.

ಗೈರು ಹಾಜರಾಗಿ ಕ್ರಮಕ್ಕೆ ಗುರಿಯಾದ ನ್ಯಾಯಾಧೀಶರ ಪಟ್ಟಿ ಹೀಗಿದೆ ಜೋಧಪುರ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶರಾದ ಅಜಯ್ ಶರ್ಮಾ ಸೇರಿ 8 ನ್ಯಾಯಾಧೀಶರ ವಿರುದ್ದ ಕ್ರಮಕ್ಕೆ ಆದೇಶಿಸಲಾಗಿದ್ದು ಕ್ರಮಕ್ಕೆ ಗುರಿಯಾದ ಇತರೇ ನ್ಯಾಯಾಧೀಶರ ಪಟ್ಟಿ ಹೀಗಿದೆ
ನೇಹಾ ಶರ್ಮಾ, ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶೆ, ಜೋಧಪುರ ಜಿಲ್ಲೆ
ಮನಿಷಾ ಚೌಧರಿ, ವಿಶೇಷ ನ್ಯಾಯಾಲಯದ ನ್ಯಾಯಾಧೀಶರು, ಜೋಧಪುರ ಮಹಾನಗರ
ಕರುಣಾ ಶರ್ಮಾ, ಹಿರಿಯ ಸಿವಿಲ್ ನ್ಯಾಯಾಧೀಶ-ಸಹ-ಮುಖ್ಯ ನ್ಯಾಯಿಕ ದಂಡಾಧಿಕಾರಿ, ಜೋಧಪುರ ಜಿಲ್ಲೆ
ಮನಿಷಾ ಶರ್ಮಾ, ಹೆಚ್ಚುವರಿ ಜಿಲ್ಲಾ ಮತ್ತು ಸತ್ರ ನ್ಯಾಯಾಧೀಶ ಸಂಖ್ಯೆ 2, ಜೋಧಪುರ ಮಹಾನಗರ
ಪ್ರವೀಣ್ ಚೌಧರಿ, ಹೆಚ್ಚುವರಿ ಹಿರಿಯ ಸಿವಿಲ್ ನ್ಯಾಯಾಧೀಶ-ಸಹ-ಹೆಚ್ಚುವರಿ ಮುಖ್ಯ ನ್ಯಾಯಿಕ ದಂಡಾಧಿಕಾರಿ, ಜೋಧಪುರ ಮಹಾನಗರ
ಮನೋಜ್ ಜಿಂಗರ್, ಹೆಚ್ಚುವರಿ ಹಿರಿಯ ಸಿವಿಲ್ ನ್ಯಾಯಾಧೀಶ-ಸಹ-ಹೆಚ್ಚುವರಿ ಮುಖ್ಯ ನ್ಯಾಯಿಕ ದಂಡಾಧಿಕಾರಿ
ಸೀಮಾ ಸಂದು, ಹೆಚ್ಚುವರಿ ಹಿರಿಯ ಸಿವಿಲ್ ನ್ಯಾಯಾಧೀಶೆ-ಸಹ-ಹೆಚ್ಚುವರಿ ಮುಖ್ಯ ನ್ಯಾಯಿಕ ದಂಡಾಧಿಕಾರಿ

ಸಂಪಾದಕರು
ಲಾಗೈಡ್ ಕನ್ನಡ‌ ಕಾನೂನು ಮಾಸಪತ್ರಿ