ಆರೋಪಪಟ್ಟಿ ಸಲ್ಲಿಕೆ ವಿಳಂಬ: ಐಎಎಸ್ ಅಧಿಕಾರಿ ವಿರುದ್ಧದ ಕ್ರಿಮಿನಲ್ ಮೊಕದ್ದಮೆ ರದ್ದುಗೊಳಿಸಿದ ಸುಪ್ರೀಂಕೋರ್ಟ್

ನವದೆಹಲಿ: 11 ವರ್ಷಗಳಿಂದ ಹೆಚ್ಚಿನ ತನಿಖೆ ಬಾಕಿ ಉಳಿದಿದ್ದ ಐಎಎಸ್ ಅಧಿಕಾರಿಯ ವಿರುದ್ಧದ ಕ್ರಿಮಿನಲ್ ಮೊಕದ್ದಮೆಗಳನ್ನು ರದ್ದುಗೊಳಿಸಿದ ಸುಪ್ರೀಂಕೋರ್ಟ್, ತನಿಖೆಯನ್ನು ಮುಂದುವರಿಸಲು ಅನುಮತಿ ನೀಡಿದಷ್ಟೆಂದರೆ ಟ್ರಯಲ್ ಕೋರ್ಟ್ಗಳು ಕಾರ್ಯ ನಿರ್ವಾಹಕ ಅಧಿಕಾರಿ ಆಗುವುದಿಲ್ಲ, ಜೊತೆಗೆ ತನಿಖಾ ಸಂಸ್ಥೆಗಳು ಪೂರಕ ದೋಷಾರೋಪ ಪತ್ರ ಸಲ್ಲಿಸಲು ವಿಳಂಬ ಮಾಡಿದರೆ ಅದರ ಬಗ್ಗೆ ಕೋರ್ಟ್ಗಳು ಸ್ಪಷ್ಟನೆ ಕೇಳಬಹುದು ಎಂದು ಅಭಿಪ್ರಾಯ ವ್ಯಕ್ತಪಡಿಸಿದೆ.

11 ವರ್ಷಗಳಿಂದ ಹೆಚ್ಚಿನ ತನಿಖೆ ಬಾಕಿ ಉಳಿದಿದ್ದ ಐಎಎಸ್ ಅಧಿಕಾರಿಯ ವಿರುದ್ಧದ ಕ್ರಿಮಿನಲ್ ಮೊಕದ್ದಮೆಗಳನ್ನು ರದ್ದುಗೊಳಿಸಿದ ಜಸ್ಟಿಸ್ ಸಂಜಯ್ ಕರೋಲ್ ಮತ್ತು ಜಸ್ಟಿಸ್ ಎನ್. ಕೋಟೀಸ್ವರ್ ಸಿಂಗ್ ಅವರ ಚಾಲಿತ ದ್ವಿಪೀಠವು, ವಿವರಣೆಯಿಲ್ಲದ, ಅಸಾಧಾರಣ ಹಾಗೂ ಅನಗತ್ಯ ವಿಳಂಬವೇ ಸಂಪೂರ್ಣ ನ್ಯಾಯಪ್ರಕ್ರಿಯೆಯನ್ನು ಹಾಳು ಮಾಡುವಷ್ಟು ಗಂಭೀರವಾಗಿರುತ್ತದೆ. ಆರೋಪಿಗಳು ಅಂತ್ಯವಿಲ್ಲದ ತನಿಖೆಯ ಭೀತಿಯಲ್ಲಿ ಬದುಕಬಾರದು ಎಂದು ಹೇಳಿದೆ.

ತನಿಖೆ ಅನಗತ್ಯವಾಗಿ ವರ್ಷಗಳ ಕಾಲ ನಡೆಯಲು ಬಿಡಲಾಗುವುದೇ ಆರೋಪಿ ವ್ಯಕ್ತಿಯ ಜೀವನದ ಮೇಲೊಂದು ನಿತ್ಯದ ಭೀತಿಯ ನೆರಳು ಬೀರುವಂತಿದೆ. ಆರ್ಟಿಕಲ್ 21ರ ವೇಗವಾದ ನ್ಯಾಯ ಹಕ್ಕು ತನಿಖೆ ಹಂತಕ್ಕೂ ಅನ್ವಯಿಸುತ್ತದೆ ಎಂದು ನೆನಪಿಸಿದ ಕೋರ್ಟ್, ತನಿಖೆಗಳು ಎಂದಿಗೂ ಮುಗಿಯದಂತೆ ಮುಂದುವರಿಯಲುಬಾರದು ಎಂದು ಸ್ಪಷ್ಟ ಸೂಚನೆ ನೀಡಿದೆ.

11 ವರ್ಷಗಳ ತನಿಖಾ ವಿಳಂಬ ಸಂಪೂರ್ಣ ಪ್ರಕ್ರಿಯೆಯನ್ನೇ ವಿಕೃತಗೊಳಿಸುತ್ತದೆ. ಆರೋಪಿ ವರ್ಷಗಳ ಕಾಲ ತನಿಖೆಯ ಕತ್ತಲೆ ನೆರಳಲ್ಲೇ ಬದುಕಬೇಕಾದ ಅಗತ್ಯವಿಲ್ಲ. ಎಷ್ಟು ಕಾಲ ತನಿಖೆ ಮುಂದುವರಿಯುತ್ತದೆ ಎಂಬುದಕ್ಕೂ ಮಿತಿ ಇರಬೇಕು ಎಂದು ಆರೋಪ ಪಟ್ಟಿ ಸಲ್ಲಿಸುವಲ್ಲಿ ತನಿಖಾ ಸಂಸ್ಥೆಗಳ ವಿಳಂಬವನ್ನು ನ್ಯಾಯಪೀಠವು ಗಂಭೀರವಾಗಿ ಟೀಕಿಸಿದೆ.

ಐಎಎಸ್ ಅಧಿಕಾರಿಯ ಮೇಲಿನ ಪ್ರಕರಣವನ್ನು ಸಂಪೂರ್ಣವಾಗಿ ರದ್ದುಗೊಳಿಸಿದೆ ಮತ್ತು ಮುಂದಿನ ತನಿಖೆಯಲ್ಲಿನ ವಿಳಂಬ ನಿರ್ವಹಣೆಗೆ ಪ್ರಮಾಣಿತ ಕ್ರಮಗಳು ಅಗತ್ಯವಿದೆ ಎಂಬ ಸೂಚನೆಗಳನ್ನೂ ನೀಡಿದೆ. ಈ ತೀರ್ಪು ಮುಂದಿನ ದಿನಗಳಲ್ಲಿ ತನಿಖಾ ಸಂಸ್ಥೆಗಳ ಕಾರ್ಯವೈಖರಿಯನ್ನು ಬಲಪಡಿಸುವ ಪ್ರಮುಖ ಆದರ್ಶ ತೀರ್ಪಾಗಲಿದೆ ಎಂದು ನ್ಯಾಯವಾದಿಗಳು ತಿಳಿಸಿದ್ದಾರೆ.

ಪ್ರಕರಣದ ಹಿನ್ನೆಲೆ:
2002–2005ರ ಅವಧಿಯಲ್ಲಿ ಡಿಸ್ಟ್ರಿಕ್ಟ್ ಮ್ಯಾಜಿಸ್ಟ್ರೇಟ್ ಆಗಿದ್ದ ಅಧಿಕಾರಿಯು ಕಲ್ಪಿತ ಹಾಗೂ ಶಾರೀರಿಕವಾಗಿ ಅಸಮರ್ಥ ವ್ಯಕ್ತಿಗಳಿಗೆ ಸರಿಯಾದ ಪೊಲೀಸ್ ಪರಿಶೀಲನೆ ಇಲ್ಲದೇ ಶಸ್ತ್ರಾಸ್ತ್ರ ಪರವಾನಗಿ ನೀಡಿದರೆಂಬ ದೂರಿನ ಮೇಲೆ ಪ್ರಕರಣ ದಾಖಲಾಗಿತ್ತು. 2006ರ ಮೊದಲ ತನಿಖೆಯಲ್ಲಿ. ಆರೋಪಗಳು ಸುಳ್ಳು ಎಂದು ಸ್ಪಷ್ಟಪಡಿಸಿ ಅಧಿಕಾರಿಗೆ ಕ್ಲೀನ್ ಚಿಟ್ ಕೊಡಲಾಗಿತ್ತು. ಆದರೆ 2009ರಲ್ಲಿ ಮುಖ್ಯ ನ್ಯಾಯಾಂಗ ಮ್ಯಾಜಿಸ್ಟ್ರೇಟ್ ಮತ್ತೊಮ್ಮೆ ಈ ಪ್ರಕರಣ ತನಿಖೆಗೊಳಪಡಿಸಿತು. ತನಿಖಾ ಸಂಸ್ಥೆಗೆ 2020ರವರೆಗೆ ಅಂದರೆ 11 ವರ್ಷ ಪೂರಕ ಚಾರ್ಜ್ ಶೀಟ್ ಸಲ್ಲಿಸಲು ತೆಗೆದುಕೊಂಡಿತು. ಪ್ರಕರಣದ ಮೇಲಿನ ಪ್ರಾಸಿಕ್ಯೂಷನ್ ಅನುಮತಿ (Sanction) 2022ರಲ್ಲಿ ಮಾತ್ರ ನೀಡಲಾಯಿತು.

ಸಂಪಾದಕರು
ಲಾಗೈಡ್ ಕನ್ನಡ‌ ಕಾನೂನು ಮಾಸಪತ್ರಿ