ಸಂಪೂರ್ಣ ಸ್ಟ್ಯಾಂಪ್ ಶುಲ್ಕ ಪಾವತಿ ನಂತರ ವಿಭಜನಾ ದಾವೆಯ ಅಂತಿಮ ಡಿಕ್ರಿ ಜಾರಿಗೆ ಬರುವುದು – ಹೈಕೋರ್ಟ್

ಕಲ್ಕತ್ತಾ: ಕೋರ್ಟ್ ಶುಲ್ಕ ಪಾವತಿಯಾಗದ ವಿಭಜನೆ ದಾವೆಯ ಅಂತಿಮ ಡಿಕ್ಕಿ ಜಾರಿಗೆ ಯೋಗ್ಯವಲ್ಲ. ಸಂಪೂರ್ಣ ಸ್ಟ್ಯಾಂಪ್ ಶುಲ್ಕ ಪಾವತಿ ನಂತರ ವಿಭಜನಾ ದಾವೆಯ ಅಂತಿಮ ಡಿಕ್ರಿ ಜಾರಿಗೆ ಬರುವುದು ಸಹ-ಪಾಲುದಾರರಿಂದ ಆ ಮೊತ್ತವನ್ನು ವಸೂಲಿಸಬಹುದು ಎಂದು ಕಲ್ಕತ್ತಾ ಹೈಕೋರ್ಟ್ ತೀರ್ಪು ನೀಡಿದೆ.

ಪುನರ್ ಪರಿಶೀಲನಾ ನ್ಯಾಯಾಧಿಕಾರವನ್ನು ಉಪಯೋಗಿಸಿ ನ್ಯಾಯಮೂರ್ತಿ ಶಾಂಪಾ ದತ್ (ಪಾಲ್) ಅವರು, ವಶಪತ್ರ ನೀಡುವ ವಾರಂಟ್ ಅನ್ನು ಹಿಂತೆಗೆದುಕೊಳ್ಳಲು ನಿರಾಕರಿಸಿದ ಮತ್ತು ದೀರ್ಘಕಾಲ ಬಾಕಿ ಉಳಿದಿದ್ದ ವಿಭಜನಾ ದಾವೆಯ ಅಂತಿಮ ಡಿಕ್ರಿಯ ಜಾರಿಗೆ ತಡೆ ನೀಡಲು ನಿರಾಕರಿಸಿದ ಕಾರ್ಯಗತಗೊಳಿಸುವ ನ್ಯಾಯಾಲಯದ ಆದೇಶಗಳನ್ನು ಪ್ರಶ್ನಿಸಿ ಸಲ್ಲಿಸಲಾದ ಅರ್ಜಿಯನ್ನು ವಿಚಾರಣೆ ನಡೆಸಿದರು.

ವಿಭಜನಾ ದಾವೆಯಲ್ಲಿ ನೀಡಿದ ಅಂತಿಮ ಡಿಕ್ಕಿಯನ್ನು ಅಗತ್ಯವಾದ ಸ್ಟ್ಯಾಂಪ್ ಶುಲ್ಕ ಪಾವತಿಸಿ ಸ್ಟ್ಯಾಂಪ್ ಕಾಗದದಲ್ಲಿ ಸರಿಯಾಗಿ ಬರವಣಿಗೆ (ಎಂಗ್ರೆಸ್) ಮಾಡಿದ ನಂತರ ಮಾತ್ರ ಸಂಪೂರ್ಣವಾಗಿ ಜಾರಿಗೆ ತರಬಹುದು. ಸ್ಯಾಂಪ್ ಕಾಯ್ದೆಯ ನಿಯಮಗಳನ್ನು ಪಾಲಿಸುವುದು ಡಿಕ್ರಿ ಜಾರಿಗೆ ತರುವುದಕ್ಕೆ ಪೂರ್ವಾಪೇಕ್ಷೆ ಎಂದು ನ್ಯಾಯಾಪೀಠವು ಅಭಿಪ್ರಾಯಪಟ್ಟಿದೆ. ಜೊತೆಗೆ, ಜಾರಿಗೆ ವಿಳಂಬವಾಗದಂತೆ ಮಾಡಲು, ಡಿಕ್ರಿ ಹೊಂದಿದವರು ಸಂಪೂರ್ಣ ಆಸ್ತಿಗೆ ಸಂಬಂಧಿಸಿದ ಸ್ಯಾಂಪ್ ಶುಲ್ಕವನ್ನು ತಾವೇ ಮೊದಲು ಪಾವತಿಸಿ, ನಂತರ ಸಹ-ಪಾಲುದಾರರಿಂದ ಅವರ ಅನುಪಾತದ ಪಾಲನ್ನು ವಸೂಲಿಸಬಹುದು ಎಂದು ನ್ಯಾಯಪೀಠ ಅಭಿಪ್ರಾಯ ವ್ಯಕ್ತಪಡಿಸಿದೆ.

ಟೈಟಲ್ ಸೂಟ್ ನಂ. 1843/2005ರಿಂದ ಈ ವಿವಾದ ಉದ್ಬವಿಸಿದ್ದು ಉದ್ಭವಿಸಿದ್ದು, ಅದರಲ್ಲಿ ವಿಭಜನೆಗಾಗಿ ಪ್ರಾಥಮಿಕ ಡಿಕ್ರಿ ನೀಡಲಾಗಿದ್ದು, ನಂತರ ಪ್ರತಿಯೊಬ್ಬ ಸಹ-ಪಾಲುದಾರರಿಗೆ ಒಂದೊಂದೇ ನಾಲ್ಕುಭಾಗದ (4) ಹಂಚಿಕೆಗಳನ್ನು ನೀಡುವ ಅಂತಿಮ ಡಿಕ್ರಿ ಜಾರಿಗೊಂಡಿತ್ತು. ಈ ಅಂತಿಮ ಡಿಕ್ರಿಯ ಮೇಲ್ಮನವಿ ಪರಿಶೀಲನೆಯನ್ನು ತೇರ್ಗಡೆಯಾಗಿ, ವಿಭಾಗೀಯ ಪೀಠ ಮತ್ತು ಸುಪ್ರೀಂ ಕೋರ್ಟ್ ಎರಡೂ ಕಡೆ ಸವಾಲುಗಳನ್ನು ತಿರಸ್ಕರಿಸಲಾಯಿತು. ನಂತರ ಡಿಕ್ಕಿ ಹೊಂದಿದವರು ಜಾರಿಗೆ ಕ್ರಮಗಳನ್ನು ಆರಂಭಿಸಿದರು. ಅಮಲ್ಜಾರಿ ಸಂದರ್ಭದಲ್ಲಿ, ತೀರ್ಪು ಋಣಿಗಳು ಡಿಕ್ರಿಯ ಜಾರಿಗೆ ವಿರೋಧ ವ್ಯಕ್ತಪಡಿಸಿ, ಡಿಕ್ರಿ ಸರಿಯಾಗಿ ಸ್ಟ್ಯಾಂಪ್ ಮಾಡಲಾಗಿಲ್ಲ ಎಂದು ವಾದಿಸಿದರು. ಸಂಪೂರ್ಣ ಆಸ್ತಿಗೆ ಸಂಬಂಧಿಸಿದ ಸ್ಕ್ಯಾಂಪ್ ಶುಲ್ಕವನ್ನು ಪಾವತಿಸದೆ, ಕೇವಲ ಡಿಕ್ಕಿ ಹೊಂದಿದವರ ಹಂಚಿಕೆಗೆ ಮಾತ್ರ ಸ್ಟ್ಯಾಂಪ್ ಶುಲ್ಕ ಪಾವತಿಸಲಾಗಿದೆ ಎಂದು ಅವರು ತಿಳಿಸಿದರು.

ಸಂಪೂರ್ಣ ಆಸ್ತಿಯ ಮೌಲ್ಯದ ಮೇಲೆ ಪೂರ್ಣ ಸ್ಟ್ಯಾಂಪ್ ಶುಲ್ಕ, ಪಾವತಿಸದಿದ್ದರೆ ಅಂತಿಮ ಡಿಕ್ರಿಯನ್ನು ಜಾರಿಗೆ ಯೋಗ್ಯವೆಂದು ಪರಿಗಣಿಸಲಾಗುವುದಿಲ್ಲ ಎಂದು ಅವರು ವಾದಿಸಿದರು. ಕಾರ್ಯಗತಗೊಳಿಸುವ ನ್ಯಾಯಾಲಯವು ಈ ಆಕ್ಷೇಪವನ್ನು ತಿರಸ್ಕರಿಸಿ. ಕಚೇರಿಯು ಸ್ಟಾಂಪ್ ಶುಲ್ಕವನ್ನು ಮೌಲ್ಯಮಾಪನ ಮಾಡಿದ್ದು, ಪಶ್ಚಿಮ ಬಂಗಾಳದಲ್ಲಿ ಅನ್ವಯವಾಗುವ ಭಾರತೀಯ ಸ್ಟ್ಯಾಂಪ್ ಕಾಯ್ದೆಯ ವೇಳಾಪಟ್ಟಿ 1ಎ, ಕಲಂ 45 ಪ್ರಕಾರ ಡಿ ಕ್ಕಿ ಹೊಂದಿದವರು ಪಾವತಿಸಿದ ನಂತರ ಡಿಕ್ಕಿಯನ್ನು ಎಂಗ್ರೆಸ್ ಮಾಡಲಾಗಿದೆ ಎಂದು ದಾಖಲಿಸಿತು.

ಎಲ್ಲಾ ಪಕ್ಷಗಳಿಗೆ ಸಮಾನವಾಗಿ ಒಂದೊಂದೇ ನಾಲ್ಕು ಭಾಗದ ಹಂಚಿಕೆ ನೀಡಲಾಗಿದ್ದರಿಂದ, ಒಂದೇ ಹಂಚಿಕೆಯಾದ ಸ್ಟ್ಯಾಂಪ್ ಶುಲ್ಕ ಪಾವತಿಸಲಾಗಿದೆ ಎಂದು ನ್ಯಾಯಾಲಯ ಗಮನಿಸಿದೆ. ಆದರೆ ಹೈಕೋರ್ಟ್ ಮುಂದೆ, ತಾಂತ್ರಿಕ ಅಡಚಣೆಗಳನ್ನು ನಿವಾರಿಸಲು ಡಿಕ್ಕಿ ಹೊಂದಿದವರು ಸಂಪೂರ್ಣ ಆಸ್ತಿಗೆ ಸಂಬಂಧಿಸಿದ ಸ್ಟ್ಯಾಂಪ್ ಶುಲ್ಕವನ್ನು ಪಾವತಿಸುವುದಾಗಿ ಒಪ್ಪಿಕೊಂಡರು ಮತ್ತು ನಂತರ ಇತರ ಸಹ-ಪಾಲುದಾರರಿಂದ ಅವರ ಅನುಪಾತದ ಕೊಡುಗೆಯನ್ನು ವಸೂಲಿಸಲು ಸ್ವಾತಂತ್ರ ಕೋರಿದರು.

ಅಂತಿಮ ಡಿಕ್ರಿಯನ್ನು ಸರಿಯಾಗಿ ಬರವಣಿಗೆ ಮಾಡಿಸಿ ಮತ್ತು ಸ್ಟ್ಯಾಂಪ್ ಮಾಡಿದ ನಂತರ ಮಾತ್ರ ಜಾರಿಗೆ ತರಬಹುದು ಎಂದು ನ್ಯಾಯಪೀಠವು ಪುನರುಚ್ಚರಿಸಿತು. ಅಗತ್ಯವಾದ ಸ್ಟ್ಯಾಂಪ್ ಕಾಗದದಲ್ಲಿ ಡಿಕ್ರಿಯನ್ನು ಎಂಗ್ರೆಸ್ ಮಾಡುವವರೆಗೆ ಅದನ್ನು ಜಾರಿಗೆ ತರಲು ಅಥವಾ ಅನುಷ್ಠಾನಗೊಳಿಸಲು ಸಾಧ್ಯವಿಲ್ಲ ಎಂದು ನ್ಯಾಯಾಲಯ ಗಮನಿಸಿದೆ.ಆದರೆ ಪ್ರಕ್ರಿಯಾತ್ಮಕ ನಿಯಮಗಳು ನ್ಯಾಯದ ಫಲವನ್ನು ನಿರಾಶ್ರಿತಗೊಳಿಸಬಾರದು ಎಂದು ನ್ಯಾಯಾಲಯ ಒತ್ತಿ ಹೇಳಿತು.

ಡಿಕ್ರಿ ಹೊಂದಿದವರ ಒಪ್ಪಂದವನ್ನು ಅಂಗೀಕರಿಸಿ, ಸಂಪೂರ್ಣ ಆಸ್ತಿಗೆ ಸಂಬಂಧಿಸಿದ ಸ್ಕ್ಯಾಂಪ್ ಶುಲ್ಕವನ್ನು ಪಾವತಿಸಿ ನಂತರ ಇತರ ಸಹ-ಪಾಲುದಾರರಿಂದ ಅವರ ಅನುಪಾತದ ಪಾಲನ್ನು ಸೂಕ್ತ ಪ್ರಕ್ರಿಯೆಯ ಮೂಲಕ ವಸೂಲಿಸಲು ಅವರಿಗೆ ಸ್ವಾತಂತ್ರ ನೀಡಿತು.

ಆ ರೀತಿ ಪಾವತಿ ಮಾಡಿದ ನಂತರ, ಕಾರ್ಯಗತಗೊಳಿಸುವ ನ್ಯಾಯಾಲಯವು ಜಾರಿಗೆ ಕ್ರಮಗಳನ್ನು ಮುಂದುವರಿಸಿ, ಒಂದು ತಿಂಗಳ ಒಳಗೆ ಡಿಕ್ರಿಯ ಸಂಪೂರ್ಣ ತೃಪ್ತಿಯನ್ನು ಖಚಿತಪಡಿಸಬೇಕೆಂದು ನ್ಯಾಯಾಲಯ ನಿರ್ದೇಶಿಸಿತು. ಹಾಗೆಯೇ ಪುನರ್ಪರಿಶೀಲನಾ ಅರ್ಜಿಯನ್ನು ಮೇಲ್ಕಂಡ ಸ್ವಾತಂತ್ರ ನೀಡುತ್ತಾ ವಜಾಗೊಳಿಸಲಾಯಿತು ಮತ್ತು ಎಲ್ಲಾ ಮಧ್ಯಂತರ ಆದೇಶಗಳನ್ನು ರದ್ದು ಪಡಿಸಿತು.

ಸಂಪಾದಕರು
ಲಾಗೈಡ್ ಕನ್ನಡ‌ ಕಾನೂನು ಮಾಸಪತ್ರಿ