ನಾನು ಬೌದ್ಧ ಧರ್ಮ ಅನುಯಾಯಿ, ಪ್ರತಿಯೊಂದು ಧರ್ಮವನ್ನು ನಂಬುವ ಜಾತ್ಯಾತೀತವಾದಿ: ಬಿ.ಆರ್. ಗವಾಯಿ ವಿದಾಯದ ಭಾಷಣ

ನವದೆಹಲಿ: ಸುಪ್ರೀಂಕೋರ್ಟ್ ಮುಖ್ಯ ನ್ಯಾಯಮೂರ್ತಿಯಾಗಿದ್ದ ಬಿ.ಆರ್ ಗವಾಯಿ ನಿವೃತ್ತರಾಗಿದ್ದು ನೂತನ ಸಿಜೆಐ ಆಗಿ ಡಾ.ಸೂರ್ಯಕಾಂತ್ ಅವರು ಪ್ರಮಾಣ ವಚನ ಸ್ವೀಕಾರ ಮಾಡಿದ್ದಾರೆ. ಈ ಮಧ್ಯೆ ನಿವೃತ್ತರಾದ ಬಿ.ಆರ್ ಗವಾಯಿ ಅವರು ತಮ್ಮ ವಿದಾಯದ ಭಾಷಣದಲ್ಲಿ ನಾನು ಬೌದ್ಧ ಧರ್ಮ ಅನುಯಾಯಿಯಾಗಿದ್ದೇನೆ. ನಾನೊಬ್ಬ ಪ್ರತಿಯೊಂದು ಧರ್ಮವನ್ನು ನಂಬುವ ಜಾತ್ಯಾತೀತವಾದಿ ಎಂದು ನುಡಿದಿದ್ದಾರೆ.

ಸುಪ್ರೀಂ ಕೋರ್ಟ್ ನ ಕೋರ್ಟ್ ಹಾಲ್ ನಂ. 1 ರಲ್ಲಿ ಸುಪ್ರೀಂ ಕೋರ್ಟ್ ಅಡ್ವಕೇಟ್ಸ್ ಆನ್ ರೆಕಾರ್ಡ್ಸ್ ಅಸೋಸಿಯೇಷನ್ (Sಅಂಔಖಂ) ಆಯೋಜಿಸಿದ್ದ ಅವರ ಬೀಳ್ಕೊಡುಗೆ ಸಮಾರಂಭದಲ್ಲಿ ಬಿ.ಆರ್ ಗವಾಯಿ ಮಾತನಾಡಿದರು.

ನಾನು ಬೌದ್ಧಧರ್ಮವನ್ನು ಅನುಸರಿಸುತ್ತೇನೆ, ನಾನು ನಿಜವಾಗಿಯೂ ಜಾತ್ಯತೀತ. ನನ್ನ ತಂದೆಯಿಂದ ನಾನು ಜಾತ್ಯತೀತನಾಗಿರಲು ಕಲಿತಿದ್ದೇನೆ. ಅವರು ನಿಜವಾದ ಜಾತ್ಯತೀತ ಮತ್ತು ಡಾ. ಭೀಮರಾವ್ ಅಂಬೇಡ್ಕರ್ ಅವರ ಪಾಂಡಿತ್ಯಪೂರ್ಣ ಅನುಯಾಯಿಯಾಗಿದ್ದರು. ನಾನು ಬೌದ್ಧಧರ್ಮವನ್ನು ಅನುಸರಿಸುತ್ತೇನೆ. ಬೌದ್ಧಧರ್ಮವನ್ನು ತಮ್ಮ ನಂಬಿಕೆಯಾಗಿ ಪಾಲಿಸುತ್ತಿದ್ದರೂ, ಹಿಂದೂ ಧರ್ಮ, ಸಿಖ್ ಧರ್ಮ, ಇಸ್ಲಾಂ ಮತ್ತು ಇತರ ಧರ್ಮಗಳನ್ನು ಒಳಗೊಂಡಂತೆ ಪ್ರತಿಯೊಂದು ಧರ್ಮವನ್ನು ನಾನು ನಂಬುತ್ತೇನೆ. ನನ್ನ ತಂದೆಯೊಂದಿಗೆ ಬೆಳೆಯುತ್ತಿರುವಾಗ, ಅವರು ತಮ್ಮ ರಾಜಕೀಯ ಕಾರ್ಯಕ್ರಮಗಳಿಗಾಗಿ ವಿವಿಧ ಸ್ಥಳಗಳಿಗೆ ಭೇಟಿ ನೀಡಿದಾಗಲೆಲ್ಲಾ, ಅವರ ಸ್ನೇಹಿತರು ಸರ್ ಯಹಾಂ ಚಲೋ ಯಹಾ ಕಾ ದರ್ಗಾ ಫೇಮಸ್ ಹೈ, ಗುರುದ್ವಾರ ಫೇಮಸ್ ಹೈ ಎಂದು ಹೇಳಿದರೆ ಅಲ್ಲಿ ಹೋಗುತ್ತಿದ್ದರು. ಹಾಗಾಗಿ ನಾನು ಎಲ್ಲಾ ಧರ್ಮಗಳನ್ನು ಗೌರವಿಸುವ ರೀತಿಯಲ್ಲಿ ಬೆಳೆದಿದ್ದೇನೆ ಎಂದು ಬಿಆರ್ ಗವಾಯಿ ಅವರು ತಿಳಿಸಿದರು.

ಸುಮಾರು ಎರಡು ದಶಕಗಳ ಕಾಲ ನ್ಯಾಯಾಧೀಶರಾಗಿದ್ದ ಅವರು ಇಂದು ಏನೇ ಆಗಿದ್ದರೂ, ಅದು ಈ ಸಂಸ್ಥೆ (ನ್ಯಾಯಾಂಗ) ಕಾರಣ. ನಾನು ಇಂದು ಏನೇ ಆಗಿದ್ದರೂ, ಅದು ಈ ಸಂಸ್ಥೆಯಿಂದ (ನ್ಯಾಯಾಂಗ). ದೇಶದ ನ್ಯಾಯಾಂಗ ಸಂಸ್ಥೆಗೆ ನಾನು ನನ್ನ ಕೃತಜ್ಞತೆಯನ್ನು ಸಲ್ಲಿಸಲೇಬೇಕು. ಪುರಸಭೆಯ ಶಾಲೆಯಲ್ಲಿ ಓದುವುದರಿಂದ ಹಿಡಿದು ದೇಶದ ಅತ್ಯುನ್ನತ ನ್ಯಾಯಾಂಗ ಕಚೇರಿಯನ್ನು ತಲುಪುವವರೆಗಿನ ಅವರ ಪ್ರಯಾಣವು ಭಾರತದ ಸಂವಿಧಾನ ಮತ್ತು ನ್ಯಾಯ, ಸ್ವಾತಂತ್ರ, ಸಮಾನತೆ ಮತ್ತು ಭಾತೃತ್ವದ ಮೌಲ್ಯಗಳಿಂದ ಸಾಧ್ಯವಾಯಿತು ಎಂದು ಬಿ.ಆರ್ ಗವಾಯಿ ಅವರು ಸ್ಮರಿಸಿದರು.

ಸುಪ್ರೀಂ ಕೋರ್ಟ್ ಭಾರತದ ಮುಖ್ಯ ನ್ಯಾಯಮೂರ್ತಿ ಸೇರಿದಂತೆ ಒಬ್ಬ ವ್ಯಕ್ತಿಯ ಸುತ್ತ ಎಂದಿಗೂ ಕೇಂದ್ರೀಕೃತವಾಗಿರಬಾರದು. ಪೂರ್ಣ ನ್ಯಾಯಾಲಯದೊಂದಿಗೆ ಸಾಮೂಹಿಕವಾಗಿ ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕು ಮತ್ತು ನ್ಯಾಯಾಂಗದ ಕಾರ್ಯನಿರ್ವಹಣೆಯು ನ್ಯಾಯಾಧೀಶರು, ಬಾರ್, ರಿಜಿಸ್ಟ್ರಿ ಮತ್ತು ಸಿಬ್ಬಂದಿ ಸೇರಿದಂತೆ ಎಲ್ಲಾ ಪಾಲುದಾರರ ಭಾಗವಹಿಸುವಿಕೆಯನ್ನು ಅವಲಂಬಿಸಿರುತ್ತದೆ ಎಂದು ಬಿ.ಆರ್ ಗವಾಯಿ ಹೇಳಿದರು.

ಸಂಪಾದಕರು
ಲಾಗೈಡ್ ಕನ್ನಡ‌ ಕಾನೂನು ಮಾಸಪತ್ರಿ