ಅನೈತಿಕ ಸಂಬಂಧದ ಅನುಮಾನವಿದ್ರೆ ಪತಿಯ ಕರೆ ದತ್ತಾಂಶ ಪತ್ನಿ ಕೇಳಬಹುದು – ಹೈಕೋರ್ಟ್

ನವದೆಹಲಿ : ಪತಿಯ ಮೇಲೆ ಪತ್ನಿಗೆ ಅನೈತಿಕ ಸಂಬಂಧದ ಅನುಮಾನವಿದ್ದರೇ, ಗಂಡನ ಕರೆ ದತ್ತಾಂಶವನ್ನು ಪತ್ನಿ ಕೇಳಬಹುದಾಗಿದೆ ಎಂದು ದೆಹಲಿ ಹೈಕೋರ್ಟ್ ತಿಳಿಸಿದೆ.

ಕುಟುಂಬ ನ್ಯಾಯಾಲಯದ ಏಪ್ರಿಲ್ 2025ರ ಆದೇಶವನ್ನ ಪ್ರಶ್ನಿಸಿ ಪತಿ ಮತ್ತು ಆತನ ಆಪಾದಿತ ಪ್ರೇಯಸಿ ಸಲ್ಲಿಸಿದ್ದ ಅರ್ಜಿಯನ್ನ ಆಲಿಸಿದ ನ್ಯಾಯಮೂರ್ತಿಗಳಾದ ಅನಿಲ್ ಕ್ಷೇತ್ರರ್ಪಾಲ್ ಮತ್ತು ಹರೀಶ್ ವೈದ್ಯನಾಥನ್ ಶಂಕರ್ ಪೀಠವು, ವ್ಯಭಿಚಾರದ ಆರೋಪಗಳನ್ನ ದೃಢೀಕರಿಸಲು ಪತ್ನಿಯು ತನ್ನ ಪತಿ ಮತ್ತು ಆತನ ಆಪಾದಿತ ಪ್ರೇಯಸಿಯ ಸ್ಥಳ ವಿವರಗಳನ್ನ ಸಂರಕ್ಷಿಸುವುದು, ಬಹಿರಂಗಪಡಿಸುವುದು, ಕರೆ ದತ್ತಾಂಶ ದಾಖಲೆಗಳನ್ನು (CDR) ಕೋರಬಹುದು. ಇವು ತೀರ್ಪು ಪ್ರಕ್ರಿಯೆಯಲ್ಲಿ ಸಹಾಯ ಮಾಡುವ ವಸ್ತುನಿಷ್ಠ ದಾಖಲೆಗಳಾಗಿವೆ ಎಂದು ಅಭಿಪ್ರಾಯ ವ್ಯಕ್ತಪಡಿಸಿತು.

ಇದಕ್ಕೂ ಮೊದಲು, ಪತ್ನಿಯ ಅರ್ಜಿಯನ್ನ ಪುರಸ್ಕರಿಸಿದ್ದ ಕುಟುಂಬ ನ್ಯಾಯಾಲಯವು, ಗಂಟನ ಪ್ರೇಯಸಿಯ ಸ್ಥಳದ ವಿವರಗಳು ಮತ್ತು ಪತಿಯ ಸಿಡಿಆರ್’ನ್ನು ಸಂರಕ್ಷಿಸಲು ಮತ್ತು ಬಹಿರಂಗಪಡಿಸಲು ಅನುಮತಿ ನೀಡಿತ್ತು. ಆರೋಪವನ್ನ ಸಾಬೀತುಪಡಿಸಲು ಇದು ಅತ್ಯಗತ್ಯ ಎಂದು ಅವರು ಪ್ರತಿಪಾದಿಸಿದ್ದರು.

ಅಕ್ಟೋಬರ್ 2002ರಲ್ಲಿ, ದಂಪತಿಗಳು ವಿವಾಹವಾದರು ಮತ್ತು ಇಬ್ಬರು ಮಕ್ಕಳನ್ನು ಹೊಂದಿದ್ದರು, ಆದರೆ ಪತ್ನಿ ವ್ಯಭಿಚಾರ ಮತ್ತು ಕ್ರೌರ್ಯದ ಆಧಾರದ ಮೇಲೆ 2023ರಲ್ಲಿ ವಿಚ್ಛೇದನವನ್ನ ಕೋರಿ ಕೋರ್ಟ್ ಮೆಟ್ಟಿಲೇರಿದ್ದರು. ತನ್ನ ಪತಿ ಮತ್ತು ಆತನ ಆಪಾದಿತ ಪ್ರೇಮಿ ಅಕ್ರಮ ಸಂಬಂಧವನ್ನು ಉಳಿಸಿಕೊಂಡಿದ್ದಾರೆ ಮತ್ತು ಹಲವಾರು ಸಂದರ್ಭಗಳಲ್ಲಿ ಒಟ್ಟಿಗೆ ಪ್ರಯಾಣಿಸಿದ್ದಾರೆ ಎಂದು ಪತ್ನಿ ಆರೋಪಿಸಿದ್ದರು.

ಸಂಪಾದಕರು
ಲಾಗೈಡ್ ಕನ್ನಡ‌ ಕಾನೂನು ಮಾಸಪತ್ರಿಕೆ