ಕೋರ್ಟ್ ವಿರುದ್ಧ ಆಕ್ಷೇಪಾರ್ಹ ಪೋಸ್ಟ್ ತಡೆಗೆ ಕ್ರಮ: ವಕೀಲರ ಸಾಮಾಜಿಕ ಮಾಧ್ಯಮದ ಮೇಲೆ BCI ಕಣ್ಣು

ನವದೆಹಲಿ: ನ್ಯಾಯಾಲಯ ಅಥವಾ ನ್ಯಾಯಾಧೀಶರ ವಿರುದ್ಧ ವಕೀಲರು ಸಾಮಾಜಿಕ ಮಾಧ್ಯಮಗಳಲ್ಲಿ ಆಕ್ಷೇಪಾರ್ಹ ಪೋಸ್ಟ್ಗಳನ್ನು ಮಾಡದಂತೆ ತಡೆಯುವ ಸಲುವಾಗಿ ಭಾರತೀಯ ಬಾರ್ ಕೌನ್ಸಿಲ್(ಬಿಸಿಐ) ಹೊಸ ನಿಯಮಗಳನ್ನು ರೂಪಿಸಿದೆ.

ಇತ್ತೀಚೆಗೆ ವಕೀಲಿಕೆಗೆ ಇಂಟರ್ನ್ ಶಿಪ್ ಗೆ ಬಂದ ವಿದ್ಯಾರ್ಥಿಗಳು ಕೋರ್ಟ್ ರೂಮಿನಲ್ಲೇ ರೀಲ್ಸ್ ಮಾಡುವುದು, ವಿಡಿಯೋಗಳನ್ನು ಪೋಸ್ಟ್ ಮಾಡುವುದು ಹಾಗೂ ಇನ್ನಿತರ ಕಾನೂನು ಸಂಬಂಧಿ ಕಂಟೆಂಟ್ಗಳನ್ನು ಅನಾವಶ್ಯಕವಾಗಿ ಹಂಚುತ್ತಿರುವ ವರದಿಗಳಾಗಿದ್ದು, ಇದನ್ನು ತಡೆಯುವ ನಿಟ್ಟಿನಲ್ಲಿ ಬಿಸಿಐ ಈ ಕ್ರಮ ಕೈಗೊಂಡಿದ್ದು, ಈ ನಿಯಮಗಳು ತಕ್ಷಣದಿಂದಲೇ ಕಟ್ಟುನಿಟ್ಟಾಗಿ ಜಾರಿಯಾಗಬೇಕು ಎಂದು ಎಲ್ಲ ರಾಜ್ಯಗಳ ಬಾರ್ ಕೌನ್ಸಿಲ್ಗಳಿಗೆ ನಿರ್ದೇಶನ ಕೊಟ್ಟಿದೆ.

ಎಲ್ಲ ರಾಜ್ಯ ಬಾರ್ ಕೌನ್ಸಿಲ್ಗಳ ಅಧ್ಯಕ್ಷರು ಮತ್ತು ಕಾರ್ಯದರ್ಶಿಗಳಿಗೆ ಈ ಕುರಿತು ಜು.17ರಂದು ಪತ್ರ ಬರೆದಿರುವ ಬಿಸಿಐ, ‘ಈ ಹೊಸ ಮಾರ್ಗಸೂಚಿಗಳನ್ನು ವಕೀಲರು, ಕಾನೂನು ಸಂಸ್ಥೆಗಳು, ಬಾರ್ ಅಸೋಸಿಯೇಷನ್ಗಳು ಮತ್ತು ಕಾನೂನು ಸಂಸ್ಥೆಗಳ ನಡುವೆ ವ್ಯಾಪಕವಾಗಿ ಪ್ರಚಾರ ಮಾಡಬೇಕು ಮತ್ತು ಎಲ್ಲರೂ ಕಡ್ಡಾಯವಾಗಿ ಪಾಲಿಸುವಂತೆ ನೋಡಿಕೊಳ್ಳಬೇಕು’ ಎಂದು ತಿಳಿಸಿದೆ.

ಅಲ್ಲದೆ ನಿಯಮ ಉಲ್ಲಂಘಿಸುವ ವಕೀಲರು ಹಾಗೂ ವಿದ್ಯಾರ್ಥಿಗಳ ವಿರುದ್ಧ ಶಿಸ್ತು ಕ್ರಮ ಕೈಗೊಳ್ಳಲಾಗುವುದು ಎಂದು ಬಿಸಿಐ ಎಚ್ಚರಿಕೆಯನ್ನೂ ನೀಡಿದೆ.

ಸಂಪಾದಕರು
ಲಾಗೈಡ್ ಕನ್ನಡ‌ ಕಾನೂನು ಮಾಸಪತ್ರಿ