ಅಂಕ ತಿದ್ದಿದ್ದು ಕಂಡು ಬಂದ ಹಿನ್ನೆಲೆ: ಜಡ್ಜ್ ಹುದ್ದೆ ಅಭ್ಯರ್ಧಿಯ ಸಂದರ್ಶನಕ್ಕೆ ನಿರ್ದೇಶನ ನೀಡಿದ ಹೈಕೋರ್ಟ್

ಒಡಿಶಾ: ಜಿಲ್ಲಾ ನ್ಯಾಯಾಧೀಶ ಹುದ್ದೆಯ ಆಕಾಂಕ್ಷಿಯಾಗಿದ್ದ ಅಭ್ಯರ್ಥಿಯ ಉತ್ತರ ಪತ್ರಿಕೆಯಲ್ಲಿ ವಿಭಿನ್ನ ಶಾಯಿಯಿಂದ ಅಂಕಗಳನ್ನು ತಿದ್ದಿರುವುದು ಕಂಡುಬಂದ ಹಿನ್ನೆಲೆಯಲ್ಲಿ, ಆಕೆಗೆ ಸಂದರ್ಶನದ ಅವಕಾಶವನ್ನು ನೀಡುವಂತೆ ಒಡಿಶಾ ಹೈಕೋರ್ಟ್ ನಿರ್ದೇಶನ ನೀಡಿದೆ.

ಜಿಲ್ಲಾ ನ್ಯಾಯಾಧೀಶ ಹುದ್ದೆಯ ನೇಮಕಾತಿಯಲ್ಲಿ ತಿದ್ದಿರುವ ಅಂಕಗಳನ್ನು 42ರಿಂದ 45ಕ್ಕೆ ಸರಿಪಡಿಸಿ, ಸಂದರ್ಶನಕ್ಕೆ ಹಾಜರಾಗಲು ಅವಕಾಶ ನೀಡಬೇಕೆಂದು ಕೋರಿ ಗೀತಾಂಜಲಿ ಮಾಝಿ ಅವರು ಹೈಕೋರ್ಟ್ ಗೆ ಅರ್ಜಿ ಸಲ್ಲಿಸಿದರು.

ಭಾರತೀಯ ಸಂವಿಧಾನದ ಅನುಚ್ಛೇದ 226ರ ಅಡಿಯಲ್ಲಿ ಸಲ್ಲಿಸಲಾದ ರಿಟ್ ಅರ್ಜಿಯನ್ನು ವಿಚಾರಣೆ ನಡೆಸಿದ ನ್ಯಾಯಮೂರ್ತಿಗಳಾದ ಮನಾಶ್ ರಂಜನ್ ಪಾಠಕ್ ಮತ್ತು ಸಿಬೋ ಶಂಕರ್ ಮಿಶ್ರಾ ಅವರ ವಿಭಾಗೀಯ ಪೀಠವು , ಉತ್ತರ ಪತ್ರಿಕೆಯಲ್ಲಿ ವಿಭಿನ್ನ ಶಾಯಿಯಿಂದ ಅಂಕಗಳನ್ನು ತಿದ್ದಿರುವುದು ಕಂಡುಬಂದ ಹಿನ್ನೆಲೆಯಲ್ಲಿ ಜಿಲ್ಲಾ ನ್ಯಾಯಾಧೀಶ ಹುದ್ದೆಯ ಆಕಾಂಕ್ಷಿಗೆ ಸಂದರ್ಶನ ನಡೆಸುವಂತೆ ನಿರ್ದೇಶನ ನೀಡಿದೆ.

ಜಿಲ್ಲಾ ನ್ಯಾಯಾಧೀಶ ಹುದ್ದೆಯ ಆಕಾಂಕ್ಷಿಯಾಗಿದ್ದ ಅಭ್ಯರ್ಥಿಯ ಉತ್ತರ ಪತ್ರಿಕೆಯಲ್ಲಿ ವಿಭಿನ್ನ ಶಾಯಿಯಿಂದ ಅಂಕಗಳನ್ನು ತಿದ್ದಿರುವುದು (overwriting) ಕಂಡುಬಂದ ಹಿನ್ನೆಲೆಯಲ್ಲಿ, ಆಕೆಗೆ ಸಂದರ್ಶನದ ಅವಕಾಶವನ್ನು ತಪ್ಪಾಗಿ ನಿರಾಕರಿಸಲಾಗಿದೆ ಎಂದು ತೀರ್ಮಾನಿಸಿದೆ. ದಾಖಲೆಯಲ್ಲಿ “ತಿರುಚುವಿಕೆ ನಡೆದಿರುವುದನ್ನು ಸ್ಪಷ್ಟವಾಗಿ ಸೂಚಿಸುತ್ತದೆ” ಎಂದು ಅಭಿಪ್ರಾಯಪಟ್ಟ ನ್ಯಾಯಾಲಯ, ಮೂಲತಃ ನೀಡಲಾಗಿದ್ದ ಅಂಕಗಳನ್ನು ಪುನಃಸ್ಥಾಪಿಸಿ, ಜಿಲ್ಲಾ ನ್ಯಾಯಾಧೀಶರ ನೇಮಕಾತಿಗಾಗಿ ಆವರನ್ನು ಸಂದರ್ಶನ ನಡೆಸಲು ಅಗತ್ಯ ಆಡಳಿತಾತ್ಮಕ ಕ್ರಮಗಳನ್ನು ಕೈಗೊಳ್ಳುವಂತೆ ನಿರ್ದೇಶಿಸಿದೆ.

ನ್ಯಾಯಾಲಯ ಸೇವೆ ಪಡೆಯುವುದು
ಹೈಕೋರ್ಟ್ ನಿರ್ಣಯದ ಪ್ರಕಾರ. ಅರ್ಜಿದಾರರು General English (Paper-III) ನಲ್ಲಿ 42 ಅಂಕಗಳಲ್ಲ, 45 ಅಂಕಗಳನ್ನು ಪಡೆದಿದ್ದರು. ಪ್ರತಿಯೊಂದು ಪತ್ರಿಕೆಯಲ್ಲಿಯೂ ಅಗತ್ಯವಿರುವ ಕನಿಷ್ಠ ಅಂಕಗಳನ್ನು ಹಾಗೂ ಮೂರು ಪತ್ರಿಕೆಗಳ ಒಟ್ಟು ಅಂಕಗಳಲ್ಲಿ ಅಗತ್ಯವಿರುವ 50% ಅರ್ಹತಾ ಮಾನದಂಡವನ್ನು ಅವರು ಪೂರೈಸಿದ್ದರು. ಆದ್ದರಿಂದ, ನಂತರದ ಹಂತದಲ್ಲಿ ವಿಭಿನ್ನ ಶಾಯಿಯಿಂದ ಮಾಡಲಾದ ತಿದ್ದುಪಡಿ ಹಾಗೂ ಅಂಕಗಳ ಲೆಕ್ಕಾಚಾರದಲ್ಲಿನ ದೋಷಗಳ ಆಧಾರದ ಮೇಲೆ ಅವರನ್ನು ಆಯ್ಕೆ ಪ್ರಕ್ರಿಯೆಯಿಂದ ಹೊರಗಿಡಲು ಸಾಧ್ಯವಿಲ್ಲ ಎಂದು ನ್ಯಾಯಾಲಯ ತಿಳಿಸಿತು.

ಹೈಕೋರ್ಟ್. ವಿಧಿವಿಜ್ಞಾನ ವರದಿಯನ್ನು ಹೈಕೋರ್ಟ್ ರಿಜಿಸ್ಟ್ರಿ ಸಲ್ಲಿಸಿದ್ದ ಹೆಚ್ಚುವರಿ ಪ್ರಮಾಣಪತ್ರದಲ್ಲಿನ ಒಪ್ಪಿಗೆಯೊಂದಿಗೆ ಪರಿಶೀಲಿಸಿತು. ವೈಯಕ್ತಿಕ ಪ್ರಶ್ನೆ ಮಾಡಲಾಗಿದ್ದ ಅಂಕಗಳನ್ನು ಒಟ್ಟುಗೂಡಿಸಿದಾಗ 45 ಅಂಕಗಳು ಬರುತ್ತವೆ ಎಂಬುದನ್ನು ರಿಜಿಸ್ಟ್ರಿಯೇ ಒಪ್ಪಿಕೊಂಡಿತ್ತು. ಈ ಹಿನ್ನೆಲೆಯಲ್ಲಿ. ಮೌಲ್ಯಮಾಪಕರು ಪ್ರತಿ ಉತ್ತರಕ್ಕೆ ನೀಡಿದ್ದ ವೈಯಕ್ತಿಕ ಅಂಕಗಳೇ ಅಂತಿಮವಾಗಿ ಮಾನ್ಯವಾಗಬೇಕು, ನಂತರ ತಿರುಚಲಾಗಿರುವ ಅಂಕಗಳ ಒಟ್ಟು ಪಟ್ಟಿಗೆ ಆದ್ಯತೆ ನೀಡಲು ಸಾಧ್ಯವಿಲ್ಲ ಎಂದು ಹೈಕೋರ್ಟ್ ತೀರ್ಮಾನಿಸಿತು. ಹೀಗಾಗಿ, ಅರ್ಜಿದಾರರು Paper-III ನಲ್ಲಿ 45 ಅಂಕಗಳನ್ನು ಪಡೆದಿದ್ದು, ಸಂದರ್ಶನ ಹಂತದಿಂದ ಅವರನ್ನು ತಪ್ಪಾಗಿ ಹೊರಗಿಡಲಾಗಿದೆ ಎಂದು ನ್ಯಾಯಾಲಯ ಸ್ಪಷ್ಟಪಡಿಸಿತು.

ರಿಟ್ ಅರ್ಜಿಯನ್ನು ಅಂಗೀಕರಿಸಿದ ಹೈಕೋರ್ಟ್ ನ್ಯಾಯಪೀಠವು, ಜಿಲ್ಲಾ ನ್ಯಾಯಾಧೀಶರ Cadre (Bar) 2023 ನೇಮಕಾತಿಗಾಗಿ ಅರ್ಜಿದಾರರ ಸಂದರ್ಶನ ನಡೆಸಲು ಜ್ಯೂಡಿಷಿಯಲ್ ಕಮಿಟಿ ಕುರಿತು ಆಡಳಿತಾತ್ಮಕ ಭಾಗದಲ್ಲಿ ಮುಖ್ಯ ನ್ಯಾಯಮೂರ್ತಿಗಳ ಮುಂದೆ ವಿಷಯವನ್ನು ಮಂಡಿಸುವಂತೆ ರಿಜಿಸ್ಟ್ರಾರ್ ಜನರಲ್ ಅವರಿಗೆ ನಿರ್ದೇಶಿಸಿತು. ನ್ಯಾಯಾಲಯ ಸೇವೆ ಪಡೆಯುವುದು ಈ ಸಂಪೂರ್ಣ ಪ್ರಕ್ರಿಯೆಯನ್ನು ಎರಡು ವಾರಗಳೊಳಗೆ ಕೈಗೊಳ್ಳುವಂತೆ ನ್ಯಾಯಪೀಠ ಆದೇಶಿಸಿತು.

ಎಚ್ ಎನ್ ವೆಂಕಟೇಶ್
ಗೌರವ ಸಂಪಾದಕರು
ಲಾ ಗೈಡ್ ಕನ್ನಡ ಕಾನೂನು ಮಾಸಪತ್ರಿಕೆ
ಮೈಸೂರು